دوو کرێکار بریندار بوون
ئاگر لە باڵەخانەیەکی بازرگانی هەولێر کەوتەوە
964+
شیراز عەبدوڵا
ئاگرێکی گەورە لە یەکێک لە باڵەخانە بازرگانیەکانی شەقامی گوڵان کەوتووەتەوە، ئەو شوێنەی ئاگرەکەی گرتووە لەشەقامی 40 مەتری نزیک دەزگای ئاراسە.
بەگوێرەی زانیارییەکانی 964 ئاگرەکە کۆنتڕۆڵکراوە و دوو کەس بریندار بوون.
سەرکەوت کاڕەش، وتەبێژی بەرگری شارستانی هەولێر رایگەیاند، ئاگرەکە بە تەواوەتی کوژاوەتەوە و باڵەخانەیەکی پێنج نهۆمی بووە و دوو کرێکار بریندار بووە.
وتیشی، هۆکاری ئاگرەکە کارکردنی چەند کرێکارێک بووە کە کاری لەحیمیان کردووە، سەرجەم ئەو مەوادانەی لە باڵەخانەکە بەکاردێت سووتاوە.
یەکێک لە تیمەکانی ئاگر کوژێنەوە بۆ 964 دەڵێت، ئاگرەکە گەورە بوو بەڵام توانرا لەماوەی 25 خولەک ئاگرەکە کۆنتڕۆڵ بکرێت.