لە رووداوێکی هاتوچۆدا دوو کەس گیانیان لەدەستدا
964+
شڤان عەبدوڵا – زاخۆ
لە رووداوێکی هاتوچۆی رێگای نێوان دهۆک بۆ زاخۆ دوو کەس گیانیان لەدەستدا و شەش کەسی دیکەش بریندار بوون.
رووداوەکە لەنێوان بارهەڵگرێک و ئۆتۆمبێڵێکی تایبەتی جۆری تۆیۆتا کامری بووە.
ئەمیر عەلی، وتەبێژی تەندروستی زاخۆ بە 964 راگەیاند، سەرجەم سەرنشینانی ئوتومبێلەکان لە نەخوشخانەی فریاکەوتنی زاخۆن و بریندارەکان لەژێرچاودێری پزیشکیدان و ئەوانەی گیانیان لەدەستداوە رەوانەی پزیشکی داد دەکرێن.
بەگوێرەی زانیارییەکان ئەو دوو کەسەی گیانیان لەدەستداوە سەرنشینی ئۆتۆمبێڵی تۆیۆتا کامریەکە بوون.