سبەینێ دەست بە رشاندنی ئاژەڵەکانی گەرمیان دەکرێت

964+

پیشەوا محەمەد

لە سبەینێ یەکشەممەوە هەڵمەتی رشاندنی ئاژەڵەکانی گەرمیان دەستپێدەکات و ڤێتێرنەری گەرمیانیش دەڵێت، بۆ رێگریکردنە لە تای خوێنبەربوون.

هەڵمەتەکە بۆ ماوەی 45 رۆژ بەردەوام دەبێت و نزیکەی 400 گوندی سەر بە ئیدارەی سەربەخۆی گەرمیان دەگرێتەوە.

عوسمان مستەفا، بەڕێوەبەری ڤیتێرنەری گەرمیان بە 964ـی راگەیاند، هەڵمەتەکە هاوکات رەشکردنی گەوڕی ئاژەڵەکانیش دەگرێتەوە، کە بریتییە لە رشتنی دەرمانێکی دژە مێش و مێروو.

وتیشی، “حەوت تیم سەرجەم گوندەکان دەکەین و پێشبینی دەکەین 550 بۆ 650 هەزار سەر ئاژەڵ لەو هەڵمەتەدا بڕشێندرێن”.

نزیکەی سێ ملیار دینار بۆ رووبەڕووبوونەوەی تای خوێنبەربوون تەرخان کرا