400 فیلم بۆ فێستیڤاڵی فیلمی دهۆک نێردراوە

964+

زەید کۆچەر – دهۆک

بۆ ئەنجامدانی 10ـیەمین فێستیڤاڵی نێودەوڵەتی فیلم لە دهۆک، دەرگای وەرگرتنی فیلم داخر و وردبینیان بۆ دەکرێت.

دەرهێنەرەکان ماوەی سێ مانگیان لەبەردەمدا بووە بۆ پێشکەشکردنی فیلمەکانیان و نزیکەی 400 فیلم بۆ فێستڤاڵەکە نێردراوە.

فیلمەکان جگە لە کوردی، فیلمی عەرەبی، تورکی، کوری، ئوسترالی، چینی، بەڕازیلی، ڤەنزەوێلی، فەڕەنسی و هیندی بەشدارن.

حەسەن عارف، وتەبێژی بەڕێوەبەرایەتی رۆشنبیری دهۆک بە 964ـی راگەیاند، لیژنەکە لە هونەرمەندێکی عەرەب، تورک و کرد پێکهاتووە.

وا بڕیارە فێستیڤاڵەکە لە 9.12.2023  دەستپێبکات و ماوەی حەوت رۆژ بەردەوام بێت.

پێداچوونەوە: پێشەوا محەمەد