شەش کورسی خۆڕایی بۆ رۆژنامەنوسان دابینکرا
964+
هێرۆ مەولوودی
بەشی تەکنیکی میدیا لە پەیمانگای تەکنیکی کارگێڕی هەولێر، رایگەیاندووە شەش کورسی خوێندنی بەیانیان بە خۆرایی بۆ رۆژنامەنووسان و راگەیاندنکاران تەرخان دەکات.
سەرچاوەیەک لە پەیمانگای تەکنیکی کارگێڕی هەولێر بە 964ی وت، ئەو شەش کورسییە بە شێوەی کێبڕکێ و هەبوونی مەرجەکان بۆ ئەو رۆژنامەنووسانە دەبێت .
وتیشی، کورسییەکان ئەو رۆژنامەنوس و راگەیاندنکارانە دەگرێتەوە کە شەشی ئامادەیی یان خوێندنی پیشەییان تەواو کردووە و لە هەمانکاتیشدا بیسەلمێنن کە رۆژنامەنووسن .
هەر لە راگەیاندراوەکەدا هاتووە ، ئەو کەسانەی کە ئارەزووی خوێندنیان هەیە و ئەو مەرجانەی سەرەوە دەیانگرێتەوە لە رۆژانی 3.9.2023 تا 10.9.2023 بۆ وەرگرتنی فۆرمی تایبەت سەردانی پەیمانگا و بەشی تەکنیکی میدیا بکەن.