باوکی منداڵە خنکاوەکەی گۆپتەپە داوایەکی هەیە
+964
هۆگر عەدنان – چەمچەماڵ
کوڕە منداڵێکی هەشت ساڵ بە ناوی شەهرام، دوو رۆژە لە ئاوی گۆپتەپەدا خنکاوە و تاوەکو ئێستا تەرمەکەی نەدۆزراوەتەوە، باوکی منداڵەکەش داوا لە خەڵکی سنورەکە دەکات سبەی هەینی بچن بەدەمیانەوە.
سامی شەفیق باوکی شەهرام بە 964ـی وت، سبەینێ قایمقامیەتی دوکان ئاوی زێی بچوک کەمدەکەنەوە بۆ ئەوەی بتوانرێت تەرمی کوڕەکەی بدۆزنەوە.
هەروەها داوای لە خەڵکی سنورەکە کرد، ئەوانەی کە مەلەوانی دەزانن و لە خۆیان رادەبینن، سبەی بچن بە هانایانەوە.