دلێر حاتەم. وێنە:سۆشیال میدیا
دلێر حاتەم گەڕایەوە ماڵە کۆنەکەی
+964
هێژا خەسرەو ـ هەولێر
دوای بەسەربردنی وەرزێک لەگەڵ یانەی سیروانی نوێی شاری سلێمانی، دلێر حاتەم یانەکەی جێهێشت و گەڕایەوە یانەی هندرێنی یانەی پێشووتری خۆی.
هەر لەگەڵ نوێکردنەوەی گرێبەستەکەی دلێر حاتەم لە لێدوانێکدا بۆ 964 وتی: گرێبەستێکی فەرمیم لەگەڵ یانەی هندرێن کردووە و لەگەڵ سەرۆکی یانەکەش قسەم کردووە.
وتیشی: لە بەغدا گرێبەستم پێشکەش کرا، بەڵام رێکنەکەوتم، بەشێکی زۆریشی بەهۆی خۆشەویستیم بوو بۆ یانەی هندرێن، من لەوێ پێگەیشتووم و واژۆکردنی گرێبەستەکەم زۆر ئاسان بوو، تەنانەت لەسەر پەڕەی سپی واژۆم کردووە.
گرێبەستەکەی دلێر لەگەڵ هەندرێن بۆ ماوەی ساڵێکە، ئەو گۆڵپارێزە جگە لە هندرێن، لە یانەکانی سلێمانی، سیروانی نوێ و هەولێری خولی عێراق و خولی کوردستانیش یاریی کردووە.
پێداچوونەوە: ئەرسەلان عەبدوڵا