هەزار دینار باج بۆ هەر کیلۆیەک هەناری هاوردە دانرا

964+

هاوبەش ئەبوبەکر

لە ئەمڕۆ سێشەممەوە، هەر بازرگانێک سێو یان هەنار هاوردە بکات بۆ هەرێمی کوردستان، بۆ هەر کیلۆیەک بڕی 750 بۆ یەک هەزار دینار باجی لێدەسەنرێت.

هیوا عەلی، وتەبێژی وەزارەتی کشتوکاڵی هەرێم بە 964ـی راگەیاند، لە رێکەوتی 15.8.2023ـەوە وەکو 1.12.2023باج لەسەر هاوردەکردنی سێو و هەنار بە هەموو جۆرەکانییەوە دادەنرێت.

بۆ هەر کیلۆیەک سێو بڕی 750 دینار باج دیاریکراوە و بۆ هەر کیلۆیەک هەناریش بڕی یەک هەزار دینار باج لەو بازرگانانە وەردەگیرێت کە هاوردەی هەرێمی کوردستانی دەکەن.

لە هەرێمی کوردستان، لە ناوەڕاستی مانگی تەمموزەوە تا ناوەڕاستی مانگی ئەیلول سەرەتای پێگەیشتنی هەنار و سێو و هەندێک میوەی دیکەیە و بۆ ساخبوونەوەی بەرهەمی ناوخۆ، وەزارەتی کشتوکاڵ باج لەسەر بەرهەمە هاوردەکان دادەنێت.