محاویلەی کارەبا، فۆتۆ: کارەبای سلێمانی
له سلێمانی پرۆژه‌یه‌كی نوێی كاره‌با جێبه‌جێ ده‌كرێت
+964
ئه‌رسه‌لان عه‌بدوڵا
به‌ڕێوه‌به‌رایه‌تیی گشتیی كاره‌بای سلێمانی، ئه‌نجامدانی پرۆژه‌یه‌كی كاره‌بای راگه‌یاند.
به‌ڕێوه‌به‌رایه‌تییه‌كه له په‌یجی فه‌رمیی خۆی بڵاویكرده‌وه، به سه‌رپه‌رشتی به‌ڕێوه‌به‌رایه‌تیی دابه‌شكردنی كاره‌بای سلێمانی، له‌سه‌ر بودجه‌ی داهاتی 8%ی كاره‌با و به بڕی زیاتر له 117 ملیۆن دینار پرۆژه‌یه‌كی كاره‌با جێبه‌جێ ده‌كرێت.
سه‌رچاوه‌كه ده‌ڵێت، پرۆژه‌كه بریتییه له دانانی ستوون و محاویله بۆ گه‌ڕه‌كی دارتووی حاجی حارس بۆ سووككردنی لۆدی محاویله‌ی 33+35 فیده‌ری 283 له سنووری به‌ڕێوه‌به‌رایه‌یتی دابه‌شكردنی كاره‌بای سلێمانی، ئەمەش دەبێتە هۆی باشتربوونی پێدانی کارەبا و کەمتر کوژانەوەی لە گەڕەکەکەدا.
هه‌روه‌ها ئاماژه به‌وه ده‌كه‌ن، پرۆژەکە له لایه‌ن كۆمپانیایه‌كی كه‌رتی تایبه‌ته‌وه جێبه‌جێ ده‌كرێت، بڕیاریشه له ماوه‌ی 55 رۆژدا كاره‌كانی ته‌واو بكرێت.
