ئەمڕۆ یەك بەرمیل نەوت بە 79 دۆلارە

964+
کوردستان ئەحمەد

ئەمڕۆ لە بازاڕە گەورەكانی جیهاندا نرخی یەك بەرمیل نەوتی برێنت بە 79 دۆلار و 89 سەنتە.

هەروەها نرخی یەک بەرمیل نەوتی تەکساس بەرزبووەتەوە و بە 75 دۆلار و 42 سەنت مامەڵەی پێوەکراوە.

ئاژانسە هەواڵییە ئابوورییەكانی جیهان دەڵێن، بەراورد بە چەند رۆژی رابردوو، ئەمڕۆ نرخی نەوتی برێنت 30 سەنت و تەکساس 35 سەنت بەرزبوونەوەی بەخۆوە بینیووە.

سعودیەش رایگەیاندووە بە خواستی خۆیان رۆژانە بۆ بەرهەمهێنانی نەوت، یەک ملیۆن بەرمیل کەمدەکەنەوە، پێشبینی دەکرێت وڵاتە بەرهەمهێنەکانی دیکەش  ئاستی بەرهەمهێنانی خۆیان کەم بکەنەوە، ئەوەش کاریگەری لەسەر بەرزبوونەوەی نرخی نەوت دەبێت.