کێڵەگەیەکی بە مین چێندراو - وێنە: دەزگای گشتی کاروباری مین
521 کیلۆمەتر زەویی هەرێم لە مین پاک کراوەتەوە
964+
پێشەوا محەمەد
لەو 776 کیلۆمەتر زەوییەی لە هەرێمی کوردستان بە مین چێندرابوو، 521 کیلۆمەتری پاک کراوەتەوە.
زەوییەکان دووبارە بۆ بەکارهێنانەوە رادەستی خاوەنەکانیان کراونەوە.
دەزگای گشتیی کاروباری مین بە هاوکاری رێکخراوە تایبەتمەندە نێودەوڵەتییەکانی ئەو بوارە کارەکەیان ئەنجام داوە.
جەبار مستەفا، سەرۆکی دەزگای گشتیی کاروباری مین لە هەرێمی کوردستان بە 964ـی راگەیاند، ئێمە 35 تیمی مینلابەرمان هەبوو، بەڵام لە دوای سەرهەڵدانی ڤایرۆسی کۆرۆناوە بۆ 18 تیم کەمبوونەوە.
وتیشی، “سەرەڕای کەموکورتییەکانمان، بەڵام نەوەستاوین و بەردەوامین لە کۆتاییهێنان بە مین و تەقەمەنییە جەنگییەکان لەناو خاکی هەرێمدا”.