وێنه: راگهیاندنى قایمقامییهت
مەسەلەکە تای خوێنەربوونە
له قه‌ره‌داغ سيمینارێك بۆ ئاژه‌ڵداران رێكخرا
964+
فه‌رهاد حه‌سه‌ن
ئاژه‌ڵدارانى سنوورى قه‌ره‌داغ كۆكرانه‌وه و رێنمایی پێویستیان پێدرا له باره‌ى نه‌خۆشی تاى خوێنبه‌ربوون و قایمقامیش ده‌ڵێت، له سنووره‌كه‌یاندا رێژه‌یه‌كی زۆرى خه‌ڵك خه‌ریكی ئاژه‌ڵدارین.
ره‌ئوف شێخ كه‌مال، قایمقامی قه‌زاى قه‌ره‌داغ به 964ـى راگه‌یاند، هه‌ر له سه‌ره‌تاى بڵاوبوونه‌وه‌ى ئه‌و نه‌خۆشییه ئاماده‌كارییان بۆ رووبه‌ڕووبونه‌وه‌ى كردووه و له رێگاى تیمى ڤێته‌رنه‌رى و ته‌ندروستییه‌وه رێوشوێنى پێویستیان گرتووه‌ته به‌ر .
وتیشی “له سنووره‌كه‌ماندا به رێژه‌یه‌كی زۆر ئاژه‌ڵى جۆراوجۆر هه‌ن، به‌وپێیه‌ى خه‌ڵكه‌كه به گشتى سه‌رقاڵى كارى كشتوكاڵى و ئاژه‌ڵدارین”.
ئه‌مڕۆ چوارشەممە 21.6.2023 لە هۆڵی کتێبخانەی گشتی خاوەن ئاژەڵەکانی سنوورەکە كۆكرانه‌وه و قایمقام و لیژنه تایبه‌تمه‌نده‌كان رێنمایی پێویستیان پێدان.
قایمقام، ئه‌وه ره‌تده‌كاته‌وه تا ئێستا هیچ حاڵه‌تێكی گوماناوى بۆ ئه‌و په‌تایه هه‌بووبێت، ده‌شڵێت “به شێوه‌یه‌كی به‌رده‌وام ئاژه‌ڵدارانى سنووره‌كه ئاژه‌ڵه‌كانیان ته‌عقیم ده‌كه‌ن و هۆشیاریی پێویستیشیان هه‌یه، كه به شێوه‌یه‌كى ته‌ندروست ئاژه‌ڵه‌كانیان رابگرن”.