‎یانەی کەرکوک نازناوی پاڵەوانیەتی بۆکسێنی کوردستانی بردەوە

+964

هێژا  خەسرەو

‎لە شاری هەولێر و بۆ ماوەی دوو رۆژ پاڵەوانیەتی بۆكسێنی کوردستان لەسەر ئاستی تازەپێگەیشتوان ئەنجامدرا یانەی کەرکوک هەشت مەدالیای بردەوە و پلەی یەکەمی بەدەستهێنا.

‎، لە دوای یانەی کەرکوک، یانەی هەولێر پلەی دووەمی بەدەستهێنا بە کۆکردنەوەی حەوت مەدالیا، یانەی سەورەی شاری کەرکوک لە پلەی سێیەمدا هات بە بردنەوەی پێنج میدالیا.

‎لە پاڵەوانیەتییەکەدا 11 یانە بەشداریان کرد کە لە یانەکانی، کەرکوک، هەولێر، سەورە، جیهان، کەیوان، خانەقین، نیشتمان، پێشمەرگەی سلێمانی و شۆڕجە پێکهاتبوون.

‎هەردوو یانەی دهۆک و زاخۆش بە فەرمی بانگهێشت کرابوون، بەڵام ئامادەی پاڵەوانیەتیەکە نەبوون.

پێداچوونەوە: توانا نەقی