هەر ئەمڕۆ دەتوانن چەكەكە بكەن بە پارە

ئەمڕۆ چەكی پارەی گەنمی جوتیاران دابەشدەكرێت

+964
كوردستان ئەحمەد
ئەمڕۆ سێشەممە، بە بەهای سێ ملیار دینار پارەی گەنمی جوتیاران لە سایلۆی سەیدسادق دابەشدەكرێت.

بەختار عزەت، بەڕێوەبەری سایلۆی سەیدسادق بە 964ی راگەیاند، پارەكە بۆ ئەو جوتیارانەیە كە ساڵی 2023 گەنمیان رادەستی سایلۆ كردووە و 109 چەكی بانكی دابەشدەكرێت.

لە سایلۆی سەیدسادق بەبەهای حەوت ملیار و 500 ملیۆن دینار گەنم لە جوتیاران وەرگیراوە لە ساڵی 2023دا.

پێشتر بە بەهای سێ ملیار دینار چەكی بانكی دابەشكرابوو، ئەمڕۆ سێشەمە بە بەهای سێ ملیاری دیكە دابەشدەكرێت، تا رۆژی یەك شەمەش بە بەهای یەك ملیار و 500 ملیۆن دیناری دیكە دابەشدەكرێت بەسەر جوتیاراندا
، بەختیار عزەت وای وت.

ئێستا پارە لە بانكدا هەیە، هەر كەس چەكەكەی وەرگرت دەتوانێت بچێتە بانك و پارەكەی وەربگرێت