ئەمساڵ پایسکل 20 دۆلار هەرزانتر بووە

964+

رێژوان مامە قادر – سلێمانی

هەموو ساڵ لەگەڵ دەستپێکی وەرزی هاوین بازاڕی پایسکل گەرم دەبێت، ئەمساڵ نرخەکەی هەرزانتر بووە.

پایسکلفرۆشەکان هەرزانبوونی نرخی پایسکل بۆ کەمیی تێچووی گواستنەوە دەگەڕێنەوە لە وڵاتی چینەوە.

سەروەت رەمەزان، خاوەنی پێشانگای پایسکلفرۆشییە لە شاری سلێمانی، بە 964ی راگەیاند، بەهۆی کەمبوونەوەی نرخی گواستنەوە لە وڵاتی چینەوە بۆ کوردستان، ئەمساڵ هەموو پاسکیلێک لە 10 تا 20 دۆلار بە پێی جیاوازی جۆرەکەی هەرزانتر بووە.

سەروەت دەڵێت، نرخی پایسکل پەیوەندی بە نرخی دۆلار و کرێی گواستنەوە هەیە، تا دۆلار بەرزبێتەوە نرخی پایسکلیش بەرزدەبێتەوە.

ئەوانەی لە بازاڕی پایسکلفرۆشیدا کاردەکەن، دەڵێن ساڵ بە ساڵ بازاڕی فرۆشتنی پایسکل باشتر دەبێت.

پێداچوونەوە: فەهمی نەبی