لۆگۆی دەزگای میدیایی شار پرێس
"هێرشی ئەلیکترۆنی"
شار پرێس: لایەنێکی نەناسراو پەڕەی سەرەکییان هاککردووین
964+
دێسکی کوردی
دەزگای میدیایی شار پرێس دەڵێت، لایەنێکی نەناسراو پەڕەی سەرەکییانی لە فەیسبووک هاککردووە و ئێستا لەژێر دەسەڵاتی خۆیاندا نەماوە.
دەزگاکە رۆژی پێنجشەممە، 18.5.2023، لە راگەیەندراوێکدا وەرگرەکانی ئاگادارکردەوە کە “هێرشی ئەلیکترۆنییان لەسەرە”.
شار پرێس باسی لەوە کردووە، لە ماوەی رابردووشدا هەوڵی هاککردن و دەستگرتن بەسەر پەڕەکانیدا دراوە و پووچەڵیان کردووەتەوە.
“بەڵام دیارە ئەمجارە بە شێوەیەکی گەورەتر و لەلایەن تیمی شارەزاترەوە کارەکە ئەنجامدراوە و پەڕەی شار پرێس دەستی بەسەرداگیراوە و لەکارخراوە”، شارپرێس لە ماڵپەڕەکەیدا وای نوسیوە.
دەزگاکە رەتیکردووەتەوە لە هیچ پۆستێکی پەڕەکەیان لە فەیسبووک بەرپرسیار بن، لەکاتێکدا لە دەست خۆیاندا نییە.
لە کۆتایی راگەیەندراوەکەیدا، داوا دەکات وەرگرەکانی پەڕەی شار پرێس پڵەس لایک بکەن بۆ ئەوەی لەگەڵیان بەردەوام بن.