هاوردەکردنی خەیار قەدەغە کرا
964+
فەرمان سادق
بەهۆی پێگەیشتنی بەرهەمی ناوخۆ هاوردەکردنی خەیار قەدەغە کرا .
وەزارەتی کشتوکاڵ لە گشتاندنێکدا بۆ سەرجەم بەڕێوەبەرایەتییەکانی کشتوکاڵ لە پاریزگاکان، پێی راگەیاندوون کە هاوردەکردنی خەیار لە سەرەتای ئەم مانگەوە تاوەکو 1.12.2023 قەدەغەیە.
گشتاندنەکەی وەزارەتی کشتوکاڵ، ئەمڕۆ چوارشەممە 10.5.2023 بەڕێوەبەرایەتی گشتی کشتوکاڵی دهۆک بڵاوی کردووەتەوە.
وەک لە گشتاندنەکەدا هاتووە، ئامانج لە بڕیارەکە پشتگیرییە لە بەرهەمی ناوخۆ کە لە ئێستادا وەرزی پێگەیشتنی خەیار دەستی پێکردووە.