پۆلیسەکەی هاتوچۆی زاخۆ گیانی لەدەستدا

964+

شڤان عەبدوڵا – زاخۆ

پۆلیسێکی هاتوچۆ لەکاتی ئەرکدا ئۆتۆمبێلێک خۆی پێدا دەکێشێت، دوای دوو رۆژ بەهۆی سەختی برینەکەی گیان لەدەستدەدات.

عومەر عەبدوڵا، ئەو پۆلیسی هاتوچووی زاخۆ کە لە رووداوی هاتوچووی پێش دوو ڕوژ برینداربووی، ئەمرۆ بەیانی گیانی لەدەستدا.

رووداوەکە لە 19.3.2023 لە ترافیکی پیشەسازی زاخۆ روویداوە، ئۆتۆمبێلێکی جۆری ڤۆلکسواگن جیتا خۆی بە پۆلیسەکەی هاتوچۆ دەکێشێت و بەهۆیەوە قاچێکی دەشکێت و بە سەختیش بریندار دەبێت.

رائید ئەحمەد رەمەزان، بەرپرسی ڕاگەیاندنی بەرێوەبەرایەتی پۆلیسی زاخۆ بە 964 راگەیاند: ئەمرۆ بەیانی 21.3.2023، عومەر عەبدوڵلا عەبدوللەتیف  پۆلیسی هاتوچۆ بەهۆی سەختی برینەکەی گیانی لەدەستدا.

پێداچوونەوە: فەرمان سادق