ئەڵمانیا وەبەرهێنان لە هەرێمی کوردستان زیاد دەکات

964+

پێشەوا محەمەد – سلێمانی

دەستەی وەبەرهێنانی هەرێم بەشداری کۆڕبەندێکی ئابووریی لە وڵاتی ئەڵمانیا کردووە و بەرپرسێکیش دەڵێت، ئەڵمانەکان رێژەی وەبەرهێنان لە کوردستان زیاد دەکەن.

لە کۆڕبەنەدەکەدا جگە لە دەستەی وەبەرهێنان، ژمارەیەک بازرگان و وەبەرهێنی هەرێمی کوردستانیش بەشدار بوون.

محەمەد شوکری، سەرۆکی دەستەی وەبەرهێنانی هەرێم لە کۆڕبەندەکەدا رایگەیاند: “ئامانجمانە رێژەی وەبەرهێنانی ئەڵمانیا زیاتر بکەین و هانی کۆمپانیاکانیان دەدەین بێنە هەرێمی کوردستان”.

باسی لەوەش کرد، هەموو کارئاسانییەک بۆ کۆمپانیا ئەڵمانییەکان دەکەن.

بە پێی ئامارەکانی دەستەکە، قەبارەی وەبەرهێنانی هەرێمی کوردستان لە ساڵی 2022دا 686 ملیۆن دۆلار بووە.