سبەی کەشەکە ساف دەبێتەوە و ماڵی سەیرانە
خۆڵبارین دەستپێدەکاتەوە و کەشەکەش بەتەواوەتی فێنک دەبێت
964+
شۆڕش قادری
ئێوارەی ئەمڕۆ خۆڵبارین لە بەشێک لە ناوچەکانی کوردستان دەستپێدەکات، بەڵام سبەی ئاسمان ساف و روون دەبێتەوە و کەشەکەش بە تەواوەتی فێنک دەبێت.
بەپێی پێشبینییەکانی کەشناسی، ئەمڕۆ پێنجشەممە 9.10.2025 ئاسمان ساماڵ دەبێت لەگەڵ بوونی تۆز و خۆڵ لەکەشدا، لە کاتەکانی ئێوارە و شەو لە ناوچەکانی باشووری هەرێم ( پارێزگای کەرکوک و ناوچەکانی گەرمیان و بەشێکی پارێزگای هەولێر) رێژەی خۆڵبارین زیاتر دەبێت.
پلەی گەرماش یەک بۆ دوو پلە بەراورد بە تۆمارکراوەکانی دوێنێ نزمتر دەبێتەوە.
بۆ سبەی هەینیش، ئاسمان بەگشتی ساماڵ و پەڵەهەور دەبێت، پلەی گەرماش دوو بۆ چوار پلەی دیکە دادەبەزێت و کەشەکە بەتەواوەتی فێنک دەبێت.
بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛
هەولێر: 33 پلەی سیلیزی
سلێمانی: 32 پلەی سیلیزی
دهۆک: 33 پلەی سیلیزی
زاخۆ: 34 پلەی سیلیزی
ئامێدی: 30 پلەی سیلیزی
ئاکرێ: 33 پلەی سیلیزی
کەرکوک: 36 پلەی سیلیزی
هەڵەبجە: 32 پلەی سیلیزی
سۆران: 32 پلەی سیلیزی
حاجی ئۆمەران: 25 پلەی سیلیزی
گەرمیان: 37 پلەی سیلیزی
کەشەکە کەمێک فێنکتر دەبێ و گەرما دوو پلەیەک دادەبەزێ
