ئامادەکارییە بۆ وەرزی باران
پیرەمەگروون باراناوەکانی پاک کردەوە
964+
ژێوار خدر
ژینگەپارێزانی پیرەمەگروون کەوتوونەتە خۆیان و هەرچی رێڕەوی باراناوەکانە پاکیان کردوونەتەوە، دەیانەوێت شارۆچکەکە لە مەترسی دروستبوونی لافاو بپارێزن.
بەڕێوەبەرایەتی گشتی شارەوانیەکانی سلێمانی رایگەیاند، سەرۆکایەتی شارەوانی پیرەمەگروون، هەڵمەتێکیان دەستپێکردووە و بەهاوکاری ژینگەپارێزان باراناوەکانی شارۆچکەی پیرەمەگروونیان لە پاشماوەی خۆڵ و خاشاک پاککردەوە.
دەشڵێت، هەڵمەتەکە بەشێکە لە ئامادەکارییەکانی شارەوانی پیرەمەگروون بۆ وەرزی بارانبارین تاکو شارۆچکەکە لە مەترسی دروستبوونی لافاو و کۆبوونەوەی ئاو بەدووربێت.
