دوو خوشک لە کاتى بەتانى شۆردن بە کارەبا گیانیان لەدەستدا
964+
عەبدولعەزیز خالند- هەولێر
کەمێک لەمەوبەر، دوو خوشک لە گوندى قوچە بڵباس کە سەر بە قەزاى قوشتەپەیە، لەکاتى بەتانى شۆردن تەزووی کارەبا لێى داون و هەردوکیان گیانیان لەدەستداوە.
سەرچاوەیەک لە پۆلیسى قوشتەپە بە 964ـى وت،”رووداوەکە دەورووبەرى کاتژمێر 10:30 خولەکى ئەمشەو روویداوە و هەردو خوشکەکە لە کاتى بەتانى شۆردن کارەبا گرتوونى و گیانیان لەدەستداوە”.
وەک باسى دەکات، دوو خوشکەکە بەنەتەوە عەرەبن و تەمەنیان لە نێوان 25 بۆ 32 ساڵیدایە.
وتیشى،”ئەوەى هەیە زانیارى سەرەتاییە و دواتر لێکۆڵینەوەى زیاتر دەکەن لەبارەى رووداوەکە”.
پێداچوونەوە: وریا فەتاح
