"مەترسی بۆ ئاژەڵە کێوییەکان دروست کردووە"
ئاگر لە سروشت و شاخەکانی قەرەداغ کەوتووەوە
964+
دیلان محەمەدجەزا
ئاگر لە سروشت و شاخەکانی قەرەداغ کەوتووەوە و مەترسی بۆ ژینگە و ئاژەڵە کێوییەکانی ناوچەکە دروست کردووە.
موقەدەم عەبدوڵا حسێن بەڕێوەبەری پۆلیسی دارستانی و ژینگەی قەرەداغ بە 964ـی وت، “لە کاتژمێر 12ـی نیوەڕۆی ئەمڕۆ چوارشەممەوە 13.8.2025 ئاگرێک لە نێوان گوندی سەرکۆ و گۆشان کەوتووەتەوە بە دیوی قەرەداغدا”.
“تا ئێستا هۆکاری سەرهەڵدانی ئاگرەکە نەزانراوە و تیمەکانی پۆلیسی دارستان و بەرگری شارستانی بەهاوکاری خەڵکی ناوچەکە سەرقاڵی کۆنتڕۆڵکردنی ئاگرەکەن”، عەبدوڵا حسێن وای وت.
ئاماژەی بەوەشکرد، ئاگرەکە نزیکە لە ژینگە و شوێنی ئاژەڵە کێوییەکان و ئەگەر بەردەوام بێت، مەترسییان بۆ دروست دەکەت، بۆیە هەموو هەوڵێک دەدەن بەزوویی کۆنتڕۆڵی بکەن.
پێداچوونەوە؛ شۆڕش قادری
ئاگرەكەی قەرەداغ تەندروستی دوو كارمەندی تێكداوە
