گرافیک؛ 964+
دهتوانن له گهرمیان سكاڵاكان تۆمار بكهن
“لهبارهى دادگاییکردنی (حهجاج)ـهوه ئیدارهى گهرمیان ههموو كارئاسانییهك دهكات”
964+
فهرهاد حهسهن
دواى ئهوهى بهفهرمى دهستگیركردنى عەجاجی نوگرە سەلمان، لهلایهن دەزگای ئاسایشی نیشتمانیی عێراق بڵاوكرایهوه، ئیدارهى سهربهخۆى گهرمیان داواى له هاوڵاتیان و سەرجەم رێکخراوەکانی بواری جینۆسایدی ئەنفال كرد سكاڵا لهدژى حهجاج تۆمار بكهن، دادگای تێهەڵچونەوەی ناوچەی كەركوك / گەرمیانیش دووپاتیكردهوه كه دهتوانن سكاڵاكانیان لهجیاتى بهغدا و باشوورى عێراق، له گهرمیان تۆماربكهن.
حهجاج ئەحمەد حەردان ئەفسەرێکی ئەمنیی رژێمی لەناوچووی بەعس و بەرپرسی زیندانی نوگرە سەلمان بوو کە تۆمەتبارە بە ئەشکەنجەدان، کوشتن و دەستدرێژیکردن بۆ سەر سەدان زیندانی، بەتایبەتیش ئەنفالکراوان و زیندانییە کوردەکان.
چۆمان ئهحمهد، وتهبێژى ئیدارهى سهربهخۆى گهرمیان به 964ـى راگهیاند، خۆشحاڵن به دهستگیركردنى ئهم “گەورە جەلاد و تاوانبارهی پرۆسەی ئەنفالی گەلی کورد” و داواشی له سەرجەم رێکخراوەکانی بواری جینۆسایدی ئەنفال و ئەو واریس و کەسوکاری ئەنفالکراوانە كردووه، کە لەلایەن حەجاجەوە ئەشکەنجە دراون، یان کەسوکاریان شەهیدکراون، لە دادگاکاندا سکاڵا لەسەر ئەم تاوانبارە تۆمار بکەن.
وتیشی “ئێمه لە ئیدارەی گەرمیان بۆ ئەم مەبەستە و هەر هەنگاوێک خزمەت بە کەیسی ئەنفال و کەسوکاری ئەنفالکراوان بکات، هاوکار و كارئاسانى و هەماهەنگی تەواو دەبین”.
ئاماژهى بهوهشكرد، شوێنى تۆماركردنى تۆمارنكردنى سكاڵاكان زیاتر پهیوهندی به دادگاكان ههیه، بهڵام ئهوهى لهسهر ئهوان بێت وهكو ئیدارهى گهرمیان جێبهجێی دهكهن.
لایخۆشییهوه، سەرۆكایەتی دادگای تێهەڵچونەوەی ناوچەی كەركوك / گەرمیان ئاگادارییهكى بۆ سەرجەم كەسوكاری ئەنفالكراوان بڵاوكردووهتهوه و بهتایبهتیش بۆ ئهوانهى خوازیارن سكاڵا تۆمار بكەن لە دژی تۆمەتبار حهجاج ئەحمەد حەردان، پێویست ناكات بۆ ئەو مەبەستە سەردانی دادگاكانی بەغدا و خوارووی عێراق بكەن، هەرلە دادگاكانی لێكۆڵینەوەی سنووری سەرۆكایەتییان رێكاری یاسایی دەگیرێتە بەر و كاری پێویست ئەنجام دەدرێت.
ئاماژهى بهوهشكردووه، دواتر لە كاتی گونجاو بۆ سەردانی دادگاكانی لێكۆڵینەوە هاوڵاتیان ئاگادار دەكەنەوە.
ئاسایشی نیشتمانی عێراق بەفەرمی دەستگیرکردنی جەلادەکەی نوگرە سەلمانی راگەیاند
قەڵای نوگرە سەلمانی لە ماڵەکەیدا دروستکردوە
