چەند رێنماییەك بۆ خۆپاراستن لە گەرمای هاوین

964+

محەمەد فاتیح

لەگەڵ هاتنی وەرزی هاوین و بەرزبوونەوەی پلەكانی گەرما، دەستەی پاراستن و چاککردنی ژینگەى هەرێمی كوردستان، چەند رێنماییەكی بڵاوكردەوە بۆ  خۆپاراستن لە گەرما.

رێنماییەكان:

دووربكەونەوە لە خواردنەوەی گەرم و كافایین:

خواردنەوەی گەرم و كافایین، نالەبارترین جۆری شلەمەنییە لە وەرزی هاوین، كە لە بەرزبوونەوەی پلەی گەرمادا بخورێتەوە.

نێوەڕوان لە ماڵ دەرمەچن:

لە نێوان كاتژمێر 11ـی پێش نیوەڕۆ، تا 3ـی دوای نیوەڕۆ، گەرمترین كاتی رۆژە، ئەگەر زۆر پێویست نەبێت لە ماڵ دەرمەچۆ.

خواردنەوەی ئاو:

كەمتەرخەم مەبە لە خواردنەوەی ئاو، بە درێژایی رۆژ هەوڵبدە ئاو بخۆرەوە، بۆ ئەوەی پارێزراوبیت لە وشكبوونەوە.

جلوبەرگی تەسك و ئەستور  مەپۆشە:

هەوڵبدە جلی فراوان و رەنگە كاڵەكان لەبەربكەی، بۆ ئەوەی تیشكی خۆر بەناویدا تێنەپەڕێت.

بچۆرە شوێنی فێنكەوە:

هەوڵبدەن لە وەرزی گەرمادا، راخەرە ئەستورەكان هەڵبگرن و لەنزیك فێنككەرەوەكاندا بمێننەوە.

خواردنەوە ساردەكان بخۆرەوە:

خواردنەوەی سارد و شلەمەنی سارد بخۆرەوە و سەوزە و مێوەش بكە بە بەشێك لە ژەمی خۆراك.

گەرمای هاوین و مەترسی سووتانی ئۆتۆمبێل؛ شارەزایەک گرنگترین رێنماییەکان دەخاتەڕوو

چۆن وەرزی گەرما و هاوین بە سەلامەت تێدەپەرێنیت