ئێوارەى ئەمڕۆ لە کفرى
دژى دواکەوتنى موچە؛ کاسبکاران و فەرمانبەران گردبوونەوە
964+
میلاد جەلال _ گەرمیان
ئێوارەى ئەمڕۆ پێنجشەممە، ژمارەیەک لە کاسبکاران و فەرمانبەران لە شارى کفرى، دژى دواکەوتنى موچە گردبوونەوە.
گردبوونەوەکە لەناوبازاڕى قەزاکە بەڕێوەچوو، وەک باسى دەکەن دۆخ و گوزەرانى خەڵک لەوپەڕى خراپیدایە.
رەشید کاکەمەند کە خانەنشینى پێشمەرگەیە بە دڵێکى پڕ و توڕەییەوە بۆ 964 قسەى کرد، وێڕاى پیشاندانى گوزەرانى خەڵک و موچەخۆران، پێشى وایە ئەو شاندانەى دەچنە بەغدا لە ئاستى پێویستدا نییە و پێویستە بەرپرسە گەورەکان بچن.
پێداچوونەوە: وریا فەتاح
