"بەردەوام چاودێری کۆگاکانی دەرمان دەکرێت"
ئەگەر دەرمانخانەكان دەرمانی خراپیان پێدان دەتوانن سكاڵا بكەن
964+
محەمەد فاتیح
وەزارەتی تەندروستی هەرێمی کوردستان بەردەوامە لە چاودێری کۆگاکانی دەرمان و داواش لە هاونیشتیمانیان دەكات هەرچ سەرپێچیەكیان لە دەرمانخانەكان بەدیكرد پەیوەندیان پێوە بكەن.
وەزارەتی تەندروستی بڵاویكردەوە تیمەکانی چاودێری کردن و بەدواداچوون لە بەڕێوەبەرایەتی (KMCA) وەزارەتی تەندروستی حکومەتی هەرێمی کوردستان چاودێری بەردەوامی کۆگاکانی دەرمان دەکەن بە مەبەستی پابەند بوونی کۆمپانیاکان بە رێنماییەکانی کۆگاکردنی دروست و پابەندبوون بە لکانی ستیکەر بۆ بەرهەمەکانیان و سزادان و گرتنەبەری رێکاری یاسایی بەرامبەر سەرپێچیکاران”.
دەشڵێت، “لەکاتی پابەندنەبوونی دەرمانخانەکان و کۆگاکانی دەرمان بە مەرجەکانی کۆگاکردنی دەرمان لە گەرمی، ساردی، شێداری و پاکوخاوێنی و بوونی دەرمانی بێ ستیکەر پەیوەندی بە هێڵی گەرمی بەڕێوەبەرایەتیی (KMCA) بکەن بە ژمارە تەلەفۆنی:
ئاسیا 07708592222 – کۆڕەک 07508592222
رۆژی سێشەممە 24.6.2025 وەزارەتی تەندروستیی كوردستان رایگەیاند، دەستیان گرتووە بەسەر كۆگایەكی دەرمانی قاچاخ لە سلێمانی و لیژنەكانیان خەریكی پشكنین و گەڕانن.