زیانی دیکەشی لێکەوتووەتەوە
لە شارەزوور ئاگرێک کەوتەوە و بەهۆیەوە زیاتر لە 400 دۆنم زەوی سووتا
964+
بڕوا مەجید – شارەزوور
لەسەر رێگای شارەزوور – سەیدسادق ئاگرێک کەوتەوە و بەهۆیەوە زیاتر لە 400 دۆنم زەوی سووتا و زیان بە چەند زەوییەکی تەڕووتۆڵەش گەیشت.
سۆران ئەحمد جوتیارێکی گوندی کانیکەوەی چوخە لە شارەزوور بە 964ـی وت، “پاشنیوەڕۆی ئەمڕۆ دووشەممە 23.6.2025 ئاگرێک لەسەر رێگای شارەزوور بۆ سەیدسادق و بەدیاریکراوی لە سەرەتای زەوییەکانی گوندەکەمان کەوتەوە و بەهۆیەوە زیاتر لە 400 دۆنم زەوی سووتا”.
ئاماژەی بەوەشکرد، بەهۆی رەشەباوە ئاگرەکە بەزوویی تەشەنەی کردووە و بەرەو سنووری گوندەکانی کانیکەوەی چوخ و کانیکەوەی کۆن رۆیشتووە.
سۆران ئەحمەد وتیشی، هەر بەهۆی ئاگرەکەوە سوتا سێ بۆ چوار عارەبانەی هەڵگری کا و تفاق و زەوییەکی تەڕووتۆڵەش کە بامێی تێدا چێنرابوو، سووتا، تا ئێستاش ئاگرەکە کۆنتڕۆڵ نەکراوە و تیمەکانی بەرگری شارستانی شارەزوور و زەڕایەن سەرقاڵی کوژاندنەوەی ئاگرەکەن.
پێداچوونەوە؛ شۆرش قادری
