نزیکەی سێ ملیار و نیوی بۆ خەرجکراوە
کەرتی 48ـی بەحرکە لە رووی شەقامەوە دەرووی خێری لێ کرایەوە
964+
توانا نەقی
کەرتی 48ـی بەحرکە لە رووی شەقامەوە دەرووی خێری لێ کرایەوە و نزیکەی سێ ملیار و نیوی بۆ خەرجکراوە و بەردی بناغەی پرۆژەکە دانرا.
ئەمڕۆ یەکشەممە، پارێزگای هەولێر بڵاویکردەوە، بە تێچووی سێ ملیار و 481 ملیۆن دینار لە سەر بودجەی وەبەرهێنانی وەزارەتی شارەوانی، بەردی بناغەی پڕۆژەى کردنەوەی شەقام و تێکەڵەرێژی لە کەرتی 48ـى بەحرکە دانرا.
دەشڵێت، پڕۆژەى کردنەوەی شەقام و تێکەڵەرێژی لە کەرتی 48ـی بەحرکە پێکهاتووە لە کاری خۆڵکاری و تێکەڵەڕێژی جۆری A بۆ گشت شەقامە ناوخۆیەکان و شەقامە سەرەکیانی ( 30م، 40م ، 60م ) لە کەرتی 48ـی بەحرکە.
ئەمە جگە لە کردنەوەی شەقام و تێکەڵەڕێژی بۆ 48 کیلۆمەتر شەقام بە رووبەری 840 هەزار مەتر دوجا.
