لمی پێبووە

بارهەڵگرێک وەرگەڕا و شۆفێرەکەی گیانی لەدەست دا

+964

کامیار کەمال- پێنجوێن

لەسەر رێگای ناڵپاڕێز بۆ پێنجوێن بارهەڵگرێک وەرگەڕا و شۆفێرەکەی گیانی لەدەستدا.

هەرێم سەعید رێپێدراوی هاتوچۆی بنکەی پۆلیسی پێنجوێن بە 964ـی راگەیاند، بارهەڵگرەکە باری لمی پێبوە.

وتیشی رووداوەکە ، بە دیاریکراوی لەسەر ملەکەوە بووە و شۆفێرەکەش بە برینداری گەیەندراوەتە نەخۆشخانە، بەڵام بەهۆی سەختی برینەکەیەوە گیانی لەدەستداوە.

باسی لەوەش کرد، شۆفێری بارهەڵگرەکە تەمەنی 36 ساڵە و خەڵکی ناوچەکەیە.

هەر دوێنێ لە رووداوێکی دیکەی هاتوچۆدا لە گوندی قزڵجە،  ماتۆڕسوارێک گیانی لەدەست دا و دوو کەسیش بریندار بوون.

پێداچوونەوە: هاوبەش