لە سەیدسادق

حەوزی ئەو ئاوەڕۆیانە تێکدرا کە بۆ ئاودانی سەوزە دروست کرابوو

964+
ئەحمەد مستەفا

لە سنووری قەزای سەیدسادق، لیژنە چوون تا رێگری لە بەرهەمهێنانی سەوزە و ئاودانی باخەکان بە ئاوی ئاوەڕۆ بکەن و سەرجەمیان تێک دراون.

حەوزەکان ئاوەڕۆی چەمی چەقانیان بۆ چووە.

بە گوێرەی ئەو راگەیەندراوەی بۆ 964 نێردراوە، بە فەرمانی رەزا محەمەد، قایمقامی قەزای سەیدسادق، لیژنە راسپێدراون بۆ تێدانی هەموو ئەو حەوز و مزەخانانەی بۆ پێگەیاندنی سەوزە پشت بە ئاوی قورس دەبەستن.

قایمقامیەت دەڵێ، لە پێناو پاراستنی تەندروستی گشتی و رێگری لە بڵاوبوونەووی نەخۆشی، لیژنە هاوبەشەکانی قایمقامیەتی قەزای سەیدسادق بە ئەرکەکە راسپێردراون.

لیژنەکە، فەرمانی ئەوەیان پێ بووە کە سەرجەم حەوزەکان تێکبدەن و دەست بەسەر هەموو کەلوپەل و مزەخانەکاندا بگرن، کە لەسەر چەمی چەقـان دروستکراون بۆ ئاودانی سەوزە و باخەکان، بە ئاوی قورسی “ئاوەڕۆ” بەدڕێژای ڕێڕەوی ئـاوەڕۆی چەمەکە.

دیمەنی تێکدانی حەوزەکان؛