چەند قوتابییەک لە قوتابخانەیەکى عێراق
لە عێراق
قوتابیانى پۆلى 9 و 12 راستەوخۆ دەچنە تاقیکردنەوەى وزارى
964+
وریا فەتاج
کەمێک لەمەوبەر، ئەنجوومەنی وەزیرانی عێراق بڕیاریدا بۆ ئەمساڵی خوێندن (دخول عام) بۆ قوتابیانى سێی ناوەندی و شەشى ئامادەیی (لە هەرێمى پۆلى 12ـى پێ دەوترێت)، پەیڕەو دەکرێت.
ئەمڕۆ سێشەممە، ئەنجومەنى وەزیران دانیشتنی ئاسایی خۆی بە سەرۆکایەتی محەمەد شیاع سودانى ئەنجامدا و پێشنیازێکى وەزارەتى پەروەردەى پەسەند کرد کە تایبەت بوو بە تاقیکردنەوەى وزارى پۆلەکانى سێ ناوەندى و شەشى ئامادەیى، (لە هەرێمى کوردستان نۆى بنەڕەتى و 12ـى ئامادەیى پێ دەوترێت).
بەپێى راگەیەنراوى وەزارەتى پەروەردەى عێراق، بەپێى بڕیارەکە هەموو قوتابیانى پۆلى سێى ناوەندى و شەشى ئامادەیى، بەشدارى تاقیکردنەوەى بەکالۆرى دەکەن.
