964+

وریا فەتاح

وەزارەتى نەوتى عێراق لە بەرنامەیدا، ئاستى بەرهەمهێنانى نەوت بەرز بکاتەوە، بەشێوەیەک تا ساڵى 2029 بیگەیەنێتە 6 ملیۆن بەرمیل نەوت لە رۆژێکدا.

ڕێککەوتنی لەگەڵ کۆمپانیایەک کردووە بۆ پەرەپێدانی چوار کێڵگەی نەوت کەرکوک.

باسم محەمەد، یاریدەدەری وەزیری نەوتی عێراق بە ئاژانسی هەواڵی عێراقی وتووە،” وەزارەتەکەمان هەوڵدەدات تواناکانی بەرهەمهێنانی نەوت و گاز لە چوارچێوەی پلانێکی پێنج ساڵەی دیاریکراودا زیاد بکات، بۆ ئەوەش لە پلانیدایە لە نێوان ساڵانى 2028 بۆ 2029، ئاستى بەرهەمى نەوت بۆ 6 ملیۆن بەرمیل نەوتى رۆژانە بەرز بکاتەوە”.

وەک ئەوەى باسى دەکات، پلانەکەیان بەشێوەیەکە، لەسەرجەم پارێزگاکان گەڕان لەلایەن کۆمپانیا نەوتییەکانەوە ئەنجام دەدرێت، لەگەڵ پەرەدان بە چوار کێڵگەى نەوت لە کەرکوک کە بڕیارە لە ماوەى داهاتوودا لەگەڵ کۆمپانیایەک گرێبەستى کۆتایى کارکردن تێیاندا واژۆ بکرێت.

داهاتى نەوتى عێراق بۆ ئەمساڵ دەگاتە 129 تریلیۆن دینار

964+

میلاد جەلال_گەرمیان

دوای ئەوەی بانکی شێروانە لە کەلار بڵاویکردەوە کە موچەخۆرانی خاوەن پێداویستی تایبەت لە کاتژمێر 1:00ـی نیوەڕۆى ئه‌مڕۆ سەردانیان بکەن بۆ وەرگرتنی موچەکانیان، بەڵام تاوه‌كو ئێستا موچەیان پێنەدراوە.
بەشێک لەو خاوەن پێداویستی تایبه‌تانەی لەبەردەم بانکی شێروانە چاوەڕێی وەرگرتنی موچەکانیانن، قسەیان بۆ 964 کردووە، یەکێک لەوانە دەڵێت، لە گوندەوە ھاتووە و نزیکەی کاتژمێرێک لە کەلارەوە دوورە، ئێستا دەبێت ھەروا بڕواتەوە چونکە دیار نیە کەی موچەیان پێدەدرێت.
پیاوێکی بەتەمەن کە خاوەن پێداویستی تایبەتە بە 964ى وت “لە کاتژمێر 11:00ـی نیوەڕۆوە لێرەم، کەس نازانێت کەی موچەمان پێدەدەن، ئەگەر پێویست نەبومایە بۆ ئەو پارەیە ئێستا لێرە نەبووم لەماڵەوە بۆخۆم پشویەکم دەدا”.
ژنێکیش قسەی بۆ 964 کرد وتی “پێداویستی جەژنمان تا ئێستا نەکڕیوە، ئەو موچەیەش بەشمان ناکات، فەقیرین و دۆخمان باش نیە موچەکەم ھەر بەشی دەرمانەکانم دەکات”.
پێداچوونه‌وه‌: فه‌رهاد حه‌سه‌ن

سبەینێ خانەنشینانی پێشمەرگەی دێرین و ئەیلول و ھێزەکانی 70 مەڕۆن بۆ موچە

بۆچی لە کاتی مووچە وەرگرتن پێشمەرگە پارەیان لێ بڕاوە؟