964+

میلاد جەلال_گەرمیان

شارەوانى رزگارى لەسەر رووبەرى 20 دۆنم زەوى، دارستانێک دروست دەکات و چەندین جۆر دار و درەخت دەچێنێت کە گونجاوە بۆ کەشوهەواى گەرمیا.

نزیکەی ھەزار نەمام لە دارستانەکە دەنێژرێت، ئەمە دەبێتە چوارەم دارستانی دەستکرد لە ناحیەکە.

ئەرسەلان ئەحمەد، سەرۆکی شارەوانی ناحیەی رزگارى بە 964ـى وت،”ویستمان ئەمساڵ چالاکییەکی جیاواز بۆ یادی نەورۆز بکەین، جگە لە کردنەوەی ئاگر لە کاتی ئێوارە، ئەم دارستانە دەستکردەشمان دروستکرد لەسەر ڕوبەری 20 دۆنم زەوی”.

“ئەمە دەبێتە چوارەم دارستانی دەستکرد لە ناحیەی رزگاری، بەمەش رێژەی سەوزایی لە ناحیەکە 11% تێدەپەڕێنێت”،ئەرسەلان ئەحمەد وای وت.

لە ماوەکانی رابردوو، ناحیەی رزگاری گرفتی ئاودانی درەخت و سەوزاییەکانی ھەبوو، لەبارەی ئەوەی چی دەکەن بۆ پاراستنی ئەم دارستانە دەسکردە، سەرۆکی شارەوانی ناحیەکە ئاماژەی بەوەشکرد،، پێشتر بیرمان لە پاراستنی نەمامەکان کردۆتەوە، بیرێک لە تەنیشت دارستانە دەستکردەکە ھەیە و لەڕێگەی ئەو بیرەوە ئاوی نەمامەکان دەدرێت.

پێداچوونەوە: وریا فەتاح

سێیەم دارستانی دەستکرد لە ناحیەی رزگاری دروستده‌كرێت

964+
ئەحمەد مستەفا

تا کۆتایی ئەم ساڵ، سەرجەم گەڕەکەکانی هەولێر دەبنە خاوەن کارەبای 24 کاتژمێری لە پڕۆژەی رووناکی و پڕۆژەکەش، دەبێتە هۆی پاکبوونەوەی ژینگە، ئەم قسەی پارێزگاری هەولێر ئومێد خۆشناوە.

ئەو باسی لەوەشکرد، تا ئێستا زیاتر لە 400 موەلیدە لە هەولێر کوژێندراونەتەوە.

ئەمڕۆ شەممە، ئومێد خۆشناو پارێزگاری هەولێر بە میدیاکانی وت، پلانی پڕۆژەی رووناکی تا کۆتایی ئەمساڵ سەرجەم گەڕەکەکانی هەولێر دەکات بە خاوەنی کارەبای 24 کاتژمێر، کە تائێستا زیاتر لە 20 گەڕەک پڕۆژەکەیان پێ گەیشتووە.

پارێزگار کوژاندنەوەی موەلیدەکانی بەهۆکارێکی گرنگ بۆ ژینگەی شارەکە ناوبرد و وتی، بۆ ئەوەی راسپاردە و نەخشەرێگا لەسەر ژینگەی هەولێر ئاڕاستەی حکومەت بکەین، چەندین کۆنفڕانسی ژینگەیی لە هەولێر ئەمساڵ بەڕێوەدەبەن.

"پارەی کارەبای 24 کاتژمێری کەمترە لە پارەی کارەبای مۆلیدە و نیشتمانی"

هەولێر نرخی موەلیدەی دیاری کرد و تا 20 هەزار دیناری تێدایە