سێ ئۆتۆمبێل ژێرئاو کەوتن
لە شۆراوى کەرکوک ئاو چووەتە چەند ماڵێکەوە
964+
کاروان ساڵحی – کەرکوک
لە گەڕەکى شۆراوى کەرکوک، بەهۆى کۆبوونەوەى ئاو باران، ئاو چووە چەند ماڵێکەوە و زیانى بە سێ ئۆتۆمبیلیش گەیاندووە.
بەوتەى دانیشتوانى گەڕەکەکە، ئاوەڕۆى گەڕەکەکەیان کێشەى هەیە و هەموو ساڵێک ئەو کێشەیە دووبارە دەبێتەوە.
وەک باسى دەکەن، بەهۆى کۆبوونەوە ئاو لە ئەمڕۆدا، سێ ئۆتۆمبێل ژێرئاوکەوتوون و ئاویش چووەتە ناو 12 ماڵ.
ئەوەش لە کاتێکدایە، لە کۆتاییەکانى ساڵى رابردوو، دابارینی بارانی بەردەوام و پەنگخواردنەوەی ئاو، لە گەڕەکی شۆراو لە کەرکوک لافاوی هەستاندووە و ئاو چووەتە زیاتر لە 15 ماڵ و یەکێک لە قوتابخانەکان، هەروەک دانیشتووانەکەی لەناو ماڵەکانیان گیریان خواردووە.
پێداچوونەوە: وریا فەتاح
