964+
ئەحمەد مستەفا

ئاوی کەلار سەرەڕای ئەوەی، دڵنیایی دەدات لە خاوێنی ئەو ئاوەی بۆ دانیشتووانی قەزاکەی دەنێرن لە رێگەی بۆری ماڵانەوە، ئەو باس و خواسانە رەتدەکاتەوە، کە دەوترێ لە بۆری یەکێک لە ماڵەکان ئێسک هاتووەتە دەرەوە.

بەڕێوەبەرایەتییە لە روونکردنەوەیەک دەڵێت، دابینكردنی ئاوێكی شیاو و ته‌ندروست، مافێکی سەرەتایی دانیشتووان و ئەرکی بنەڕەتی بەڕێوەبەرایەتیی ئاوی کەلارە.

دەنگۆی بوونی ئێسک لەئاوی خواردنەوەی ماڵێکی کەلار، کە ئێوارەی رۆژی پێنجشەممە لەلایەن پەیامنێری کەناڵێکی راگەیاندن بڵاوکرایەوە، بەلای ئێمە و بەشێک لە ئێوەش جێگای پرسیار و سەرسوڕمان بوو، دڵنیاتان دەکەینەوە لە کواڵیتی ئاوی خواردنەوە و لەم پێناوەشدا بەڕێوەبەرایەتی ئاوی کەلار بە بەردەوامی چاودێری و پشکنینی وردی ئاوی خواردنەوە دەکات بەپێی ستانداردەکان.

ئەمڕۆ پێنجشەممە 6.3.2025، لە کاتی دابەشکردنی ئاو لە گەڕەکی راپەڕین لە قەزای کەلار، دەوترا دوو پارچە ئێسک لە بۆریی ئاوی ماڵێک ھاتووەتە دەرەوەم پێشتر سامان رەحیم، بەڕێوەبەری ئاوی کەلار بە 964ى وت، ئێمەش لە تۆڕە کۆمەڵایەتییەکان ئەو بابەتەمان بینیوە، گوایە لە کاتی دابەشکردنی ئاو لە ماڵێک دوو پارچە ئێسک لە بۆرییەکەیان ھاتووەتە دەرەوە.

ئەمشەو لیژنەیەکی بەڕێوەبەرایەتییەکە رۆیشتوونەتە ئەو گەڕەکە، ئاماژەی بەوەشکرد، ئەو ماڵە دوو ھابەشی ئاویان ھەیە، یەکێکیان بیری ئیرتیوازییە و ئەویتریشیان ئاوی رووباری سیروانە، ئەو پارچە ئێسکانەش گەورەن و گومان ھەیە چۆن بەناو ئەو بۆرییانەدا تێپەڕیوون.

شارەوانی کەلار دەیەوێت ئاوی قورسی گەڕەکەکانی چارەسەر بکات

964+
دەشتی عارف ـ هەولێر

بڵاوبوونەوەی گرتە ڤیدیۆیەک لە سۆشیال میدیا بەم شەوی قەدر دەنگدانەوەی زۆری دروست کردووە، گوایە لە کاتژمێر 12:30، مزگەوتی جەلیل خەیات داخراوە و نوێژ خوێنان رەوانەی ماڵەوە کراونەتەوە.

پەیامنێری 964 هەرزوو خۆی گەیاندە مزگەوتەکە، چونکە گرتە ڤیدیۆییەکە وای نیشان دەدات بە زۆر لەمزگەوت و دەکراون و ژمارەیەک کەس، گلەییان لەوە دەکرد، بە شەوی قەدر چۆن دەبێ مزگەوت ئەوەندە زوو دابخرێ.

ئەحمەد کاوێز، کارگێری مزگەوت، باسی رووداوەکەی کرد و وتی، “کاتژمێر 11:30 تاوەکو 12:30 نوێژی (سەڵات ولتەزبیع)مان کرد، کە تەواو بووین چەند کەسێک هاتن وتیان نوێژ دەکەین، منیش وتم نوێژەکە تەواو بووە دەتوانن بە تەنیا بۆ خۆتان نوێژ بکەن، بەڵام چەند کەسێک بابەتەکەیان بەهەڵە لێکدایەوە و وایان زانی وتوومە شەوی قەدر تەواو بووە، ئەمەش بووە هۆی دروست بوونی ئەو کێشەیە ئەگەرنا ئەوەتا کاتژمێر سێیە مزگەوت کراوەتەوە و نوێژخوێن لە ژوورەوەن”.

عەبدوڵا فەرهاد، نەوەی جەلیل خەیات، قسەی بۆ 964 کرد و وتی، “مزگەوت ماڵی خوایە و کەس بۆی نیه دەرگای ماڵی خوا دابخات، ئەوەشی روویداوە هەڵە تێگەیشتن بووە و چەند کەسێکیش وەکو تێکدەر هاتوون بابەتەکەیان بەلارێدا بردووە”.

شەوی قەدر پیرۆزترین شەوە لە مانگی رەمەزان و زۆرێک لە هاوڵاتیان هەر لەدوایی نوێژی شێوانەوە تاوەکو بەرەبەیان لەمزگەوت دەبن و نوێژ دەکەن و قورئان دەخوێنن، یەکێکیش لەو مزگەوتانەی کە سەردانی دەکرێت مزگەوتی جەلیل خەیاتە کە یەکێکە لە گەورەترین مزگەوتەکانی شاری هەولێر و ناوێکی دیاری شارەکەیە.

پێداچوونەوە: ئەحمەد مستەفا

مامۆستا وشیار: شەوی قەدرە 10رکات نوێژ و نزای خێری زۆر هەیە بیکەین