190 پارچە زەویی بووە
زیندانیانی سیاسی لە کەلار و رزگاری زەوییان وەرگرت
964+
توانا نەقی
لە شاری کەلار لەلایەن شارەوانییەوە 190 پارچە زەوی بەسەر زیندانیانی سیاسی قەزای کەلار و ناحیەی رزگاری دابەشکرا.
ئەمڕۆ چوارشەممە 26.2.2025 ئیدارەی گەرمیان بڵاویکردەوە، لە شاری کەلار و ناحیەی رزگاری 190 پارچە زەوی بەسەر زیندانیانی سیاسی گەرمیان دابەش کراوە.
چۆمان ئەحمەد وتەبێژی ئیدارەی گەرمیان بە 964ـی وت، ئەمە کۆتا وەجبەی دابەشکردنی زەوی بوو بەسەر زیندانیانی سیاسی و شوێنی زەویەکانیش دەکەوێتە نزیک شەقامی پشتێنەیی کەلار.
وتیشی، دوای ئەمە تەنیا زیندانیانی سیاسی ناحیەی سەرقەڵا دەمێننەوە کە ژمارەیان 68 کەسە و ئەوانیش داوایان کردووە زەویەکانیان لە ناحیەی رزگاری پێبدرێت لەبەر ئەوەی بەهای زەوی لە رزگاری باشترە وەک لە ناحیەی سەرقەڵا.
دابەشکردنی زەویەکان بەشێوەی تیروپشک بووە و بەسەرپەرشتی ئیدارەی گەرمیان و جێبەجێکردنی شارەوانی کەلار بووە.
