964+
دەشتی عارف ـ هەولێر

هلوڵاتییه‌ك به‌شێوازێكی جياواز ناڕه‌زایی له‌به‌رامبه‌ر خراپی رێگاى هەولێر – خەبات دەربڕی و دارێکی لە ناوەڕاستی رێگاكه‌ رواند.

محەمەد عەباس، ئەو هاوڵاتییەیە لەبارەی کارەکەیەوە بە 964ـی وت، بەهەموو شێوازێک گلەییەکانی خۆیان ئاڕاستەی حکومەت کردووە، بەڵام هیچ وەڵامێکیان نەدراوەتەوە، بۆیە ئەمجارە بڕیاریدا بەو شێوازە گلەییەکەی بگەێنێت  رێگاکەیان بۆ چاکبکرێت.

وتیشی “چەند کەسێک بەڵێنیاندابوو بۆ دارچاندنەکەکە لەگەڵم بن، بەڵام کەس لەخۆی رانەبینی و  پەشیمان بوونەوە، حەق بۆ یەک کەس بێت یان 100 کەس هەر حەقە و منیش تەنیا داوای مافێکی سەرەتایی خۆمم کردووە”.

هیواخوازە ئەمجارەیان رۆخنەو گلەییەکانی جێگەی خۆی بگرێت و رێگاکە چاکبکرێت چونکە دەڵێت  “ئەگەر منیش ببمە قوربانی کێشەم نیه، چونکە زۆر کەس لەم رێگایەدا بوونەتە قوربانی”.

ساڵێک لەمەوبەر بڕیاردرا رێگای هەولێر ـ خەبات چاکبکرێتەوە بەڵام کارەکانی تەواو نەکراوە، ئێستاش رێگاکە یەک سایدە و هاتوچۆکردن تێدا زۆر زەحمەت بووە.

پێداچوونەوە: ژێوار خدر

بەشێک لە رێگای سەرەکی هەولێر - خەبات دادەخرێت

964+

عەبدولعەزیز خالند – هەولێر

لە پێشبڕکێیەک سێ کۆتری ئولفا بە جوانترین کۆتر لە هەولێر دیاری کران، سێ ناوبژیوانیش دانرابوون بۆ هەڵبژاردنیان، مەرجی ئەو کۆترە لە کاتێکدا بەڕێوەچوو چەندین ساڵە پڕۆسەی دیاریکردنی ئەو جۆرە لە کۆتر راگیرا بوو.

ناوبژیوانێک بە 964ی وت، بەهۆی نەبووی کۆتری جوانی ئولفا بووە.

لەسەر سێ ئاست، سێ کۆتر بوون بە براوەی پێشبڕکێکە، هێمن حەداد، ئارەزوومەندی کۆترە و کۆترەکەی پلەی یەکەمی بەدەستهێناوە بە 964ی، وت، لە پێشبڕکێکەدا پلەی یەکەمی بە نمرەی تەواوی 100% بەدەستهێناوە، لە ئێستادا خواست لەسەر کڕینی کۆترەکەی هەیە، بەڵام ئەو نایفرۆشێت.

سەعد عەبدوڵا، ناوبژیوانی پێشبڕکێکە بە 964ی، وت ، کۆترەکان چوار سیفاتیان تێدابوو، کە بریتین لە بچووکی و سینگی شەقبێ و عێراقیبێ و دەنووک و سەری جوان بێت، پلەی یەکەمەکەش هەر چوار سیفاتەکەی تێدابوو.

پێداچوونەوە: ئەحمەد مستەفا

500جوت کۆتری هەردی بوون بە خاوەن هێلانەی خۆیان