لە سنووری کەرکوک
بە رووداوی هاتوچۆ کەسێک گیانی لەدەستدا و چواری دیکە بریندارن
964+
کاروان ساڵحی – کەرکوک
ئێوارەی ئەمڕۆ سێشەممە 11.2.2025 بەهۆی روداوێکی هاتوچۆوە لەسەر رێگای نێوان کەرکوک و ناحیەی ریاز کەسێک گیانی لە دەستدا و چواری دیکەش بریندار بوون سەرجەمیان گواسترانەوە بۆ نەخۆشخانەی کەرکوکی فێرکاری.
ئەحمەد حەواس لە پۆلیسی هاتوچۆی ناحیەی ریاز بە 964ـی وت، بەهۆی رووداوێکی هاتوچۆوە لە نێوان ئۆتۆمبێلێکی جۆری تویۆتا پیکاب و هۆندای ئەلنترا لەسەر رێگای نێوان کەرکوک بۆ حەویجە و بەدیاری کراوی لە نزیک ناحیەی ریازی بەهۆیەوە شۆفێری ئۆتۆمبێلی پیکابەکە گیانی لە دەستدا و چواری دیکەش بریندار بوون.
وتیشی، سەرجەم بریندارەکان گواستراونەتەوە بۆ نەخۆشخانەی کەرکوکی فێرکاری و دوو لە بریندارەکان خەڵکی قەزای تەلەعفەرن و دووەکەی دیکەش خەڵکی ناحیەی عەلەمن، شۆفێرەکەش خەڵکی گوندی تەل عەلی قەزای حەویجەیە.
پێداچوونەوە: توانا نەقی
