لە کەرکوک
منداڵێک سەگ پەلاماریدا و گیانی لەدەست دا
964+
کاروان ساڵحی – کەرکوک
لە کەرکوک سەگی بێلانە پەلاماری منداڵێکی تەمەن 10 ساڵانەیان دا و منداڵەکە گیانی لەدەست دا.
سامان یابە بەرپرسی فەرمانگەی تەندروستیی کەرکوک بە 964ـی وت، “منداڵێکی تەمەن 10 ساڵان بە ناوی ئەلەند ئەیمەن رەمزی، سەگی بێلانە پەلاماری دەموچاو و ران و چەند شوێنێکی دیکەی جەستەیان داوە و بە سەختی برینداریان کرد”.
“منداڵەکە گەیەنراوەتە نەخۆشخانەی ئازادی، بەڵام بەهۆی سەختی برینەکەیەوە گیانی لەدەست دا”، سامان یابە وای وت.
ئاشکراشی کرد، منداڵەکە پۆلی سێ سەرەتاییە و رووداوەکە لە یەکەی نیشتەجێبونی جوان سیتی روویداوە.
بە پێی بەدواداچونی 964 چەند مانگێک پێش ئێستا و لە هەمان شوێن، منداڵێکی دیکە بەهۆی پەلاماردانی سەگی بێلانەوە گیانی لەدەستداوە.
پێداچوونەوە: شۆڕش قادری
شوێنی دروستکردنی شێڵتەری سەگە بێلانەکانی کەرکوک گۆڕاوە
