چەند دیمەنێکی رووداوەکە... وێنە؛ 964+
لە سنووری قەزای بەردەڕەش
رووداوێكى هاتوچۆ ژیانى له گه‌نجێك سه‌نده‌وه و دووانیشی بریندار كرد
964+
هیڤی دێوالی – دهۆک
لە سنووری قەزای بەردەڕەش بەهۆی روداوێکی هاتوچۆ، گەنجێک گیانی لەدەستدا و دوو کەسیش بریندارن.
رووداوه‌كه ئێوارەی ئەمڕۆ شەممە 2024.12.14 ، لە نزیک چوارڕیانی سێکانا بووه ، پێكدادانى دوو ئۆتۆمبێلی تایبەت بووه.
چواریانى سێکانا لە نزیک گوندی دوبەردانی قەزای بەردەڕەشە لە پارێزگای دهۆک .
نێچیرڤان فەخرەدین، وتەبێژی بەڕێوەبەرایەتی تەندروستی ئاکرێ بە 964ـی وت، ئه‌و گەنجه‌ی گیانى له‌ده‌ستداوه ته‌مه‌نى 30 ساڵه و به‌ناوى حەبەش عەبدوڵا، ته‌رمه‌كه‌ى ره‌وانه‌ى پزیشكى دادى ئاكرێ كراوه.
وتیشی “دوو كه‌سه بریندارەكه‌ش تەندروستیان جێگیرە و لەژێر چاودێری پزیشکدان”.
پێداچوونەوە: فه‌رهاد حه‌سه‌ن
