سەندیکای تەندروستی لەگەڵ بایکۆتی بەشە هەستیارەکان نییە

964+
ئەحمەد مستەفا

سەرۆکی لقی سلێمانی سەندیکای کارمەندانی تەندروستی، بایکۆت مافی کارمەندانی کەرتی تەندروستی شارەکە دەزانی و ناڕاستەوخۆ دەڵێت، جگە لە بایکۆتی کارمەندان لە شوێنە هەستیارەکان.

ئەمڕۆ شەممە 14.12.2024، هاوژین عوسمان سەرۆکی لقی سلێمانی/ سەندیکای کارمەندانی تەندروستی لە فەیسبووکی خۆی نوسیوویەتی، ئەمڕۆ 54 رۆژە هیچ موچەیەک دابەش نەکراوە و حکومەت ئەمساڵ سێ موچە قەرزارە.

دەشڵێت، بۆیە جگە لە شوێنە هەستیارەکان، کارمەندان و فەرمانبەرانی تەندرووستی مافی خۆیانە بایکۆتی كاركردن لە ناوەندە تەندرووستییەکان بکەن، ئەوە لە کاتێکدایە، بە نزیکەی سێ مانگ موچەی موچەخۆانی هەرێم دابەشنەکراوە و دوایین موچەش کە دابەشکرا، موچەی مانگی نۆ بوو.

لە چەند رۆژی رابردوودا بەهۆی دابەشنەكردنی موچەوە، دەرگای زۆربەی قوتابخانەكانی سلێمانی داخران و لە ئێستاشدا زۆربەی بەڕێوەبەرایەتییەكانی سلێمانی بایكۆتیان راگەیاندووە.

دیمەنی بڵاوکراوەکەی هاوژین عوسمان؛

لە سلێمانی بایکۆت بەردەوامە

نەخۆشخانەی منداڵبوونی سلێمانی بایکۆتی دەوامیان کرد