لە دەروازەی نێودەوڵەتی حاجی ئۆمەران
بەفرە زۆرەکە جموجۆڵی بازرگانی و گەشتیاری نەوەستاندووە
964+
ژێوار خدر
بەفرێکی زۆر لە حاجی ئۆمەران باریوە، بەڵام خەمتان نەبێ رێگەکە پاککراوەتەوە و نەبووەتە هۆی وەستانی جموجۆڵی بازرگانی و هاتوچۆی گەشتیاران و ئەمە دووەمین بەفری ئەمساڵە لە دەروازەکە.
سیروان بارزانی، وتەبێژی دەروازەی نێودەوڵەتی حاجی ئۆمەران بە 964ـی وت، سوێنێ شەو بەفرێکی زۆر لە سنوورەکە باریوە و هەر ئەمڕۆ بەیانی زووش تەواوی رێگە و دەروازە و گۆڕەپانی بارهەڵگران لە لایەن تیمی خزمەتگوزاری دەروازەکەوە پاککراونەتەوە.
وتیشی، بەفرەکە کاریگەری نەبووە لەسەر جموجۆڵی بازرگانی و گەشتیاری لە دەروازەکە و هیچ کێشەیەک لە ئارادا نییە و گەشتیاران و بازرگانانیش دەتوانن گەشتی خۆیان بکەن.
