کامێراکانی تۆمارکردنی خێرایی لە جووت سایدی خەلیفان – سپیلک دادەنرێن

964+

شۆڕش قادری

شۆفێران ئاگاداربن، سبەینێ کامێراکانی تۆمارکردنی خێرایی لە جووت سایدی خەلیفان – سپیلک دادەنرێن، لەسەرخۆ و بەپێی رێنماییەکان باژۆن، ئەگەرنا سزا دەدرێن.

موحسین تەحسین وتەبێژی بەڕێوەبەرایەتیی هاتوچۆی سۆران بە 964ـی وت، “لە سبەی یەکشەممەوە 24.11.2024  کامێراکانی چاودێریی خێرایی کە کامێرای گەڕۆکن و جێگیر نین، لە جووت سایدی خەلیفان – سپیلک دادەنرێن”.

“کامێراکان سەرپێچییەکان تۆمار دەکەن و دانانیشیان بۆ کەمکردنەوەی رووداوەکانی هاتوچۆیە لەو رێگایەدا”، موحسین تەحسین وای وت.

ئاماژەی بەوەش کردووە، ئاستی خێرایی بۆ ئۆتومبیلی ئاسایی لەو رێگایەدا 100 کیلۆمەتر و بۆ بارهەڵگریش، 80 کیلۆمەترە لە کاتژمێرێکدا.

وتەبێژی هاتوچۆی سۆران داوایشی لە شۆفێران کرد، بۆ پاراستنی گیانی خۆیان و هاوڵاتیان،  پابەندی خێرایی دیاریکراو و رێنماییەکانی هاتوچۆ بن.

لەماوەی دوو کاتژمێردا دوو رووداوی هاتوچۆ لە سۆران روویاندا

رووداوێکی هاتوچۆ لە رێگەی سۆران - خەلیفان روویدا