ئاوی تەنکی ماڵەکانتان بەکارمەهێنن، ئاوی بوتڵ بەکاربهێنن

+964

ژێوار خدر

دوای بڵاوبوونەوەی نەخۆشی سکچوون و رشانەوە بە شێوەیەکی بەرفراوان لە قەزای شارەزوور، نەخۆشخانەی شەهید رەئوف بەگ لە قەزاکە کۆمەڵێک رێنمایی بۆ خۆپاراستن دژی نەخۆشییەکە بڵاو کردووەتەوە و دەشڵێت، بەپێی بڕیاری قایمقامی قەزاکە، ئاوی خواردنەوەش بۆ ماڵان لە رێگەی تەنکەرەوە دابین دەکرێت.

نەخۆشخانەکە داوا لە هاوڵاتییان دەکات، ئاوی تەنکی ماڵەکانیان بەکارنەهێنن بۆ خوادنەوە و قاپ شووشتن، تەنیا ئاوی ناو بوتڵ، واتە ئاوی کارگەکانی ئاو بەکاربهێنن بۆ خواردنەوە .

بەهەمان شێوە پێویستە، تەنکی ئاوەکان بەتاڵ بکەنەوە و بیشۆن، پاشان چاوەڕێ بکەن تا ئاوی تازە دێتەوە، ئینجا بەکاری بهێنن.

بەپێی ئاماریک کە نەخۆشخانەی شەهید رەئوف ئەمشەو بە 964ـی داوە، لە ماوەی دوو رۆژدا هەزار و 250 کەس بەهۆی نەخۆشییەکەوە روویان لە نەخۆشخانەکە کردووە ژمارەکەش روو لە زیادبوونە.

نەخۆشی سکچوون و رشانەوەکەی شارەزوور تادێت زیاد دەکات