تا چاوبڕکات ئۆتۆمبێلە و لە دواى یەکترەوە وەستاون
بەهۆى قەرەباڵغییەوە گەیشتن بە فێستیڤاڵى هەنار قورس بووە
964+
بڕوا مەجید- شارەزوور
بەهۆى زۆرى سەردانیکەران و گەشتیاران بۆ فێستیڤاڵى هەنار و پایزەى هەڵەبجە، هەموو ئەو رێگایانەى دەچنەوە هەڵەبجە توشى ئاستەنگى هاتوچۆ بوون و تا چاوبڕکان ئۆتۆمبێلە و بە دواى یەکترییەوە وەستاون.
بەپێى ئەو وێنانەى 964 تۆمارى کردووە، جگە لە رێگەى سەرەکى سلێمانى بۆ هەڵەبجە، تەنانەت رێگا لاوەکییەکانى گوندەکانى شارەزوریش توشى ئاستەنگى هاتوچۆ بوون و سەدان ئۆتۆمبێل لە رێگاکەدا بە دواى یەکەوەن.
ئەمڕۆ دووەم رۆژى فێستیڤاڵەکەیە و بەپێى لێدوانى رێکخەرانى فێستیڤاڵەکە، دوێنێ کە رۆژى یەکەم بووە 80 هەزار میوان سەردانیان کردوون و چاوەڕێش دەکەت لە سێ رۆژى فێستیڤاڵەکەدا، سەروو 300 هەزار میوان سەردانى فێستیڤاڵەکە بکەن.
پێداچوونەوە: وریا فەتاح
