هاوڵاتییەکی تەمەن 51 ساڵ هەفتەیەکە بێسەروشوێنە

964+

شۆڕش قادری

ماوەی هەفتەیەکە هاوڵاتییەکی تەمەن 51 ساڵ  لە ئاکرێ بێسەروشوێنە و پۆلیس و کەسوکاری بەدوایدا دەگەڕێن.

ئەمڕۆ هەینی 25.10.2024 بەڕێوەبەرایەتی پۆلیسی ئاکرێ لە راگەیەنراوێکدا بڵاویکردەوە، “ئاگادارکراینەوە کە هاوڵاتییەک بەناوی عەبدوڵا ئەحمەد حەسەن، ماوی حەوت رۆژە لەماڵ دەرچووە و بێسەروشوێنە، کەسوکاریشی هیچ زانیارییەکیان لەبارەیەوە نییە”.

ئاماژەی بەوەشکردووە، ئەو هاوڵاتییە دانیشتووی گوندی دڤری سەربە ناحیەی دینارتەـیە، پەڕاوی لێکۆڵینەویان بۆ رووداوەکە کردووتەوە و گەڕانیان بەدوایدا دەستپێکردووە.

پۆلیسی ئاکرێ وێنەی ئەو هاوڵاتییەی بڵاوکردووتەوە و دەڵێت، هەر کەس زانیاری لەبارەوە هەیە، با پەیوندی بە هێڵی گەرمی 104 یان پۆلیسی ئاکرێ بەم ژمارە تەلەفونەوە (07511104104) بکات.

دوو رۆژە مێردمنداڵێکی تەمەن 17 ساڵان بێسەروشوێنە

لە ئاکرێ بەهۆی رووداوێکی هاتوچۆ سێ کەس برینداربوون