بینای شارەوانی ئیسێوە وێنە: سۆشیاڵ میدیا
تەنانەت فەرمانگەکانی سنوورەکەش
هەرکەسێک بەبێ ئاگاداری شارەوانی ئیسێوە نەمام ببڕێ و هەڵپاچێ سزا دەدرێت
+964
ژێوار خدر
شآرەوانی ئیسێوە لە قەزای پشدەر ئەمڕۆ هەینی 25.10.2024 هاوڵاتییان و فەرمانگەکانی سنوورەکەی ئاگادار دەکاتەوە، بەبێ ئاگاداری بەشی باخچەکانی شارەوانییەکە نابێت هەڵپاچین و بڕینەوە بۆ نەمامەکانییان نەکەن.
دەشڵێت، هەرکەس و لایەنێک ئەو کارە بکات بە سەرپێچی تۆمار دەکرێت و رێکاری یاسایی بەرامبەر دەگرینە بەر.
ساڵانە لەم کاتەی وەرزدا هاوڵاتییان نەمامەکانیان دەبڕنەوە لەپێناو ئەوەی بەشێوەیەکی جوانتر و باشتر گەشونما بکات، بەڵام ئیستا لە زۆربەی ناوچەکانی هەرێمی کوردستان، ئەم کارە لەلایەن بەشی باخچەکانی شارەوانییەکەوە ئەنجام دەدرێت لەپێناو ئەوەی کارەکە بە شێوازیکی رێکوپێک و لەلایەن کەسی شارەزاوە ئەنجام بدرێت و زەرەر و زیان بە نەمامەکان نەگات و سیمایەکی جوانتریان هەبێت.
ناحیەی ئیسێوە، دەکەوێتە قەزای پشدەر و یەکێکە لە پێنج ناحیەکەی قەزاکە، ژمارەی دانیشتووانی لە ساڵی 2020دا 2955 کەس بووە.
