هەواڵەکان
وادەی لێکردنەوەی دروشمەکانەو سبەی بەفر دەبارێت
964+
ژووری هەواڵ
تا 29 رۆژی دیکە مۆڵەتی بەردەم بانگەشەکارانە، بۆ کۆکردنەوەی فلێکس و ئەو دروشمانەی لەسەر شەقام بۆ خەڵک بەیانیان کردبوو، ئەگەرنا کۆمیسیۆن سزایان دەدات، گەرچی لێرە و لەوێ و بەنهێنی خەڵک، دەستییان بە لێکردنەوەی ئەو پۆستەرانە کردووە کە بە ئاسن هەڵواسراون.
کارمەندانی کۆمیسیۆن کۆڵ و باریان پێچایەوە و قوتابخانەکانیان چۆڵ کرد، کە وەک بنکەی دەنگدان بەکارهێنرا، سبەی سێشەممە دەوامی قوتابیانی بنەڕەتی و خوێندکارانی ئامادەیی دەستپێدەکاتەوە.
کۆمیسیۆن قوتابخانەکان دەداتەوە بە پەروەردە
دوو رۆژە بە تەواوەتى کەشەکە سارد بووە، خەڵک چاوەڕێى ئەوەن باران ببارێت، بەڵام کەشناسى بارینى بەفر راگەیاند و ئەمڕۆ دووشەممە پێشبینى کرد، سبەینێ لە ناوچە شاخاوییەکان ببارێت.
خەڵک چاوەڕێى باران بوو کەچى سبەینێ بەفر دەبارێت
چوار رۆژە تەرمى ئەو شۆفێرە گەنجە لە رۆژى 18ـى مانگ لە هیزۆب بە BMـە ماڕۆنییەکەى وەرگەڕا لە پزیشکى دادییە و کەس بۆ سۆراغى نەهاتووە .
