سلێمانى
335 کیلۆ گۆشت و قیمەى قەدەغەکراو دەستى بەسەرداگیرا
964+
دیلان محەمەد جەزا- سلێمانى
لە ماڵێکى گەڕەکى ئاشتیی شارى سلێمانى، لیژنە هاوبەشەکانى قایمقامییەت دەستیان بەسەر بڕى 335 کیلۆگرام قیمە و گۆشتى قەدەغەکراودا گرت.
کامەران عیزەت نوێنەری ڤێرتێرنەرى لە لیژنەکانی قایمقامیەتی سلێمانی بە 964ـى وت،”لەسەر زانیاریی ئاسایشی سلێمانی لە ماڵێکدا دەستگیراوە بەسەر 275 کیلۆ قیمە و 60 کیلۆ گۆشتی هیندیدا، کە شیاوی خواردن نین و قەدەغەن لە بازاردا”.
روونیشى کردەوە، ئەو قیمە و گۆشتەى دەستى بەسەرداگیراوە لەناو دەبرێن و خاوەنەکەی رووبەڕووی یاسا دەکرێتەوە.
لاى خۆیەوە، ئازاد نەبى، نوێنەرى تەندروستى لە لیژنەکانى قایمقامییەت بۆ 964 قسەى کردووە و دەڵێت: ئەو گۆشت و قیمە هیندییە رێگەپێنەدراوە و بە نهێنى دێتە ناوەوە و شیاوى خواردن نییە.
پێداچوونەوە: وریا فەتاح
